Linea ferroviaria 200 Merano-Bolzano
Chiusura per lavori (fino al 16 luglio)
de plu nfurmazions

Jobs

Sënta ite pra nëus!

La mubiltà ie na tematica tle de nosc tëmps che arà mo plu mpurtanza tl daunì. Sce nce tu ulësses sënté ite prufesciunalmënter pra nëus tla Mubiltà publica de nosta provinzia, po tlica tla borsa dla stieres dla mprejes de trasprt singules:

Nosc compit é chël da mioré la mobilité publica y sostignibla tl Südtirol, da la colié bun y fá a na moda che ara sides moderna. I coordinun le Zënter da arvëne en segurëza Safety Park, la scomenciadia Green Mobility y se cruziun dl setur Sistems informatifs por i che che vá cun i mesi dl trasport publich y le ticketing.

La SASA é la maiú aziënda de trasport publich tl Südtirol cun 74 linies atives, 400 veicui, 16 miliuns de km al ann. Al é la pröma tla Talia cun autobus che vá a idrogen. Ara se conzentrëia sön l’inovaziun y le svilup de soluziuns nöies a bëgn dl ambiënt, dla cualité dl sorvisc, dla sanité y dla vita.

Silbernagl é l’aziënda prinzipala dl trasport publich local extraurban tla provinzia de Balsan. Ci che la caraterisëia é la familiarité  cun chëra al vëgn ciaré dl personal dependënt - aldedaincö passa 200 porsones –  che é tl zënter de vigni proiet. Silbernagl é conesciü tl setur por l’odüda lungia, l’atualité, la cherianza, la crëta, i sorvisc ezelënc y i standards dër alc, la segurëza y i proiec inovatifs por la mobilité.

Trenitalia é la sozieté taliana prinzipala por la gestiun dl trasport de porsones sön scines. Ara mira a garantí n'oferta de sorvisc de cualité, che sides buna da ademplí i bojëgns de mobilité dla jënt, ciaran che la strotöra industriala vëgnes tres plü moderna y funzionala.

La Rë dla Ferata Taliana, RFI, ie la sozietà che fej pert dla Grupa dla Ferates dl Stat y la se cruzia dla Gestion dla Nfrastrutura. Coche respunsabla dla linies, dla stazions y di mplanc, garantëscela ala mprejes dla ferates defrëntes l azes ala rë taliana, la segurea la manutenzion y la zirculazion n segurëza sun duta la nfrastrutura, la se cruzia di nvestimënc per l putenziamënt y per l svilup dla linies y di mplanc dla ferata y svilupea la tecnologia di sistems y di materiali. Oradechël sustëniela la ntegrazion dla nfrastrutura taliana tla Rë dla Ferata Europeica.

Pizzinini é n’aziënda de familia da Porsenú che laora tl setur dl trasport publich da 4 generaziuns. Aldedaincö laorel tl'aziënda passa 120 porsones. Nosta motivaziun é che la jënt vais ion cun nüsc mesi y che nosc personal sides contënt. Chësc obietif vëgn ince arjunt por mirit de n bun clima de laur,  n’inovaziun che tëgn pro y le svilup de nüsc sorvisc.

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.