Dai 10 de juni iela inò tan inant: l InterCity Notte porta ghesć dal sud diretamënter tl Südtirol – y da tlo tl sud.
Una cossa ie segura: uni ghest che furnea cun la ferata scurta n pue la coda de auti sun la stredes. Chësta ie bele na bona rejon per putenzië la ufierta dl trasport a destanza longia y pité nce chësc d’instà inò na ferata direta Roma – Sanciana.
L “Treno della neve”, che furnova uni fin dl’ena dala metà de fauré nchin ai prims d’auril, univa nuzà da truep ghesć. Cun l medemo sistem d’orar pëia śën via la medema ferata tla sajon da d’instà, bonamënter nchin ai 17 de setëmber 2023.
Orars
L InterCity Notte pëia via de vënerdi y sada dala stazion Roma Termini dala 22.05 y fërma tl Südtirol a Auer, Bulsan, Persenon, Franzensfeste, Burnech y Toblach ruvan ala fin dala 8.30 a Sanciana. De sada y dumënia furnea la ferata pona tla direzion cuntrera pian via dala 19.18 a Sanciana y se ferman pra la stazions nunziedes per ruvé ala fin a Roma dala 6.06.
Fazions sun l trafich regiunel
Per schivé n cunflit de trassa vëniel de sada straicà la ferata regiunela R16030 che pëia via da Bulsan dala 5:27 de viers de Franzensfeste.
Preibel tenide cont: L Südtirol Pass, la chertes de viac dla südtirolmubiltà y i abunamënc ne vel nia sun la ferates InterCity Notte.