südtirolmobil Pass
Le coliamënt che i adorëis
Tó vigni de i mesi publics é por tröpes porsones na realté: por pendolares y pendolars, scolares y scolars, jones y jogn y families.
Porchël renovëia südtirolmobil sües ofertes cun modei de abonamënt nüs, che é adatá a stii de vita desvalis, che fej che al sides plü saurí da se möie y che le trasport publich vëgnes ciamó plü atratif.
Trova lë pass che mëi se adëgua a te e a to abitudini de viagi. E comandélo subit online su'l nœf portel südtirolmubiltà:
Novité dal 1. de jügn dl 2025 inant
Les tarifes aladô di chilometri atuales resta, mo da jügn inant podëise ince chirí fora n model nü da n prisc fis. Chësc é ideal por che che vá tröp cun i mesi dl trasport publich y é gnü cherié por fá döt cant plü saurí, plü tler y trasparënt por ci che reverda i cosć.
südtirolmobil Fix365
- 250 € al ann por i iadi te döta la rëi südtirolmobil integrada*
- Opziun al mëis: 39 € al mëis (a desposiziun da messé dl 2025 inant)
- Da ciafé ma online tres le portal dla clientela nü
- Al mëss gní dé dant n meso de paiamënt
* Ezeziuns: les ferates che vá lunc, les ferates regionales tl toch Prener-Desproch y Sanciana-Lienz, le trasport dla roda y de tiers sciöche ince i nightliner y i sorvisc de shuttle sajonai.
Ponsé ince por families
Sce an cumpra n abonamënt da 250 euro él bele tl prisc le cost dl renovamënt o dl'apostaziun nöia dl südtirolmobil abo U19 (l'abo+ da n iade) por mitans y mituns che á le dërt.
Chësc ó dí: cun n cost de 250 € por l'abonamënt anual ciafëise debann la cherta por ostes mitans y üsc mituns por l'ann de scora 2025/2026.
Da en chësc ann inant pón renové o comané danü le südtirolmobil U19 da mez jügn inant.
Chësta mudaziun é gnüda programada a na moda che i geniturs pois passé dal Euregio Family Pass al abonamënt por families nü da n prisc fis.
NOVITÉ: al ne vá nia plü debojëgn da frecuenté na scora o n'istituziun!
Jones y jogn sot ai 26 agn? Plü mobilité, manco cosć!
Ince les porsones jones sot ai 26 agn pó s'anuzé de n'oferta nöia – zënza iscriziun a na scora o université: le südtirolmobil U26 nü.
- 150 € al ann
- Opziun al mëis: 20 € (a desposiziun da messé inant)
- Varënt sön döta la rëi dl trasport publich local südtirolmobil
F.A.Q.
Co feji pa da ciafé le südtirolmobil-Pass nü?
Düc i abonamënc nüs é da ciafé da jügn inant ma online sön le portal por la clientela nü.
An fej insciö:
- Controlede üsc dac personai
- Chiride fora la tarifa che i orëis
- Dede jö n meso de paiamënt varënt
Sce, ince tl dagní messarëise convalidé osta cherta. Tla staziun él da dé ite sciöche dagnora la staziun de destinaziun y sce an tol le bus él da convalidé la cherta canche an sënta ite y vëgn fora.
L'abonamënt Fix365 jará da convalidé online pornanche al jará en funziun la app nöia, bonamënter de messé.