Ëise n de lëde, le cian é bele arjigné dan porta y I essess propi debojëgn de na bela spazirada sö por munt? O jëise plü ion cun “döes rodes” y I se tolëise plü ion para chëra? Spo él da pié ia y jí sö pert cun les furnadoies de Vöran, Mölten y Kohlern.
Les furnadoies de Vöran, Mölten y Kohlern fej pert dl sistem de trasport publich integré südtirolmubiltà. I titui de iade südtirolmubiltà varënc pó ince gní tuc da jí cun chëstes trëi furnadoies.
Mo an mëss savëi che: por les rodes y i tiers velel tarifes desvalies da chëres de südtirolmubiltà.
Vëgn le cian para? Por ël él na tarifa aposta
Sce Osc compagn de spazirades fedel ne vëiga no l'ora da jí fora por sëmenes nöies, podëise le tó para sö alalt. Mo le trasport de tiers é sotmetü a na tarifa aposta desvalia da chëra preodüda por i passajiers.
Y sce I jëis cun döes rodes?
Sce I jëis plü ion cun la roda co cun i cialzá da jí sö por munt, podëise tó para ince la roda. Ince te chësc caje él preodü tarifes spezifiches por le trasport de rodes.
Important: les chertes por le trasport de rodes y tiers ne vára nia da cumpré tres l’app südtirolmubiltà. Por vigni implant velel modalités de cumpra y condiziuns d'adoranza spezifiches.
Ciaredi ales informaziuns dla furnadoia che i orëis tó o damanede diretamënter le personal söl post denanco pié ia: insciö savëise bele ci s’aspeté y i podëis se conzentré sön la pert plü bela.
Sce I se tolëis para le cian, la roda o sce I ëis ma vëia da jí sö por munt, Ves condüj Vöran, Mölten y Kohlern sö alalt. Le rest dl’aventöra é döt Ost.
Por deplü informaziuns ciaredi ales plates aposta: