Laurs de manutenziun sön la linia dla ferata tl'Alta Val de Puster

En domënia, ai 16 de novëmber dl 2025, romagn la linia dla ferata tl'Alta Val de Puster stlüta da chisc oras y sön chëstes trasses:

• dales 7:30 ales 13:30 sön le toch Bornech – Sanciana
• y dales 9:00 ales 12:00 sön le toch Sanciana - Sillian.

Les trasses vëgn sarades dala sozieté de gestiun dla rëi dla ferata RFI por podëi fá laurs de ispeziun y manutenziun.

Sorvisc sostitutif cun bus

Al vëgn metü a jí n sorvisc sostitutif dla ferata. Chësc é l'orar di bus sostitutifs B500:

• vigni 30 menüc danter Bornech y Sanciana. A Bornech pëia ia le bus sostitutif dala plataforma C.
• vigni ora danter Sanciana y Sillian.

Orar di bus de sostituziun B500 Bornech <-> Sanciana
Orar di bus de sostituziun SEV223 Sanciana <-> Sillian 

Tó para la roda: Ti bus sostitutifs ne vára nia da se tó para la roda.
Informaziuns por porsones cun na mobilité limitada CHILÓ.