Da atira inant pól indô gní presenté la domanda por le bonus dl trasport por abonamënc dla mobilité publica, mo indere ma plü sce an davagna manco co 20.000 euro al ann.
Che pó pa fá domanda?
Les porsones che á davagné indöt alplü 20.000 euro dl 2022 á le dërt da ciafé le bonus, l'ann passé ê le limit de 35.000 euro. Le bonus é de alplü 60 euro a porsona y pó gní damané cina ai 31 de dezëmber dl 2023 o plü avisa tan dî che al tleca i mesi finanziars statai, sön le portal www.bonustrasporti.lavoro.gov.it tres le SPID o la cherta eletronica CIE.
Por i mituns y les mitans sot ai 18 agn pó le bonus gní damané dai geniturs o dala porsona responsabla dl’educaziun; por vigni abonamënt mëssel gní fat na domanda a pert.
Important: Tl tëmp de validité de vigni abonamënt pón ma un n iade domané do le bonus dl trasport. Nosc Südtirol Pass y i abonamënc südtirolmobil vel n ann. Chësc ó porchël dí: sce an an á bele fat domanda l’ann passé do le bonus dl trasport por n Südtirol Pass o n abonamënt südtirolmobil, spo pón en chësc ann impormó le fá canche al vëgn renové l’abonamënt en chestiun.
La sta laora fora la domanda por le Südtirol Pass y i abonamënc
Pro la domanda online che vëgn fata tres le portal statal él da dé dant fora de na lista l’aziënda pro chëra che le bonus dess gní adoré. Por che che á le Südtirol Pass él la „sta – Südtiroler Tansportstrukturen AG / Strutture Trasporto Alto Adige SpA“ ("sta – Strotöres de trasport dl Südtirol SA") che se crüzia dl'elaboraziun dles domandes tl Südtirol.
Do che an á presenté domanda vëgnel assegné n codesc cun chël che an pó damané do le bonus dl trasport.
Ortiesse prëibel inant chësc codesc y üsc dac tres chësc formular online, spo se cruziunse da acredité le bonus. Al é da dé dant le numer dl Südtirol Pass o dl abonamënt, le codesc fiscal dl titolar dl abo y le codesc por le bonus assegné dal ministere. Do n control intern vëgn le bonus metü sön le cunt dl utënt.
südtirolmubiltà: bonus sot forma de acreditamënt
Le bonus dl trasport vëgn ma conzedü sot forma de n acreditamënt o de n credit. Le paiamënt dl bonus tres le cunt bancar ne vá nia.
- Südtirol Pass cun contrat postpaid (SEPA Direct Debit /Debit sön le cunt bancar): le bonus vëgn acredité tres le cunt dl utënt.
- Südtirol Pass cun contrat prepaid: le bonus vëgn acredité diretamënter sön la cherta.
- Südtirol Pass abo+ y 65+: le bonus vëgn acredité tres le cunt dl utënt y gnará trat jö le proscimo iade che al gnará paié ite le cost anual.
Sön le cunt dl utënt personal sot a "contrac > movimënc“ („Verträge > Bewegungen“) pón odëi sce le bonus é gnü acredité.