Tröc eserzizi d'alberch dl Südtirol ti mët a desposiziun a sü sciori y a sües sciores le Südtirol Guest Pass. Cun chësta cherta pón s'anuzé saurí de düc i mesi dl trasport publich tl Südtirol a na moda flessibla y ince ciamó de d'atres ofertes.
Da en chësc ann vára ciamó plü saurí da l'adoré, ajache le Südtirol Guest Pass é deventé da na cherta sön papier na cherta digitala: na cherta flessibla che an ciafa cun n clich y che an pó desćiarié tl format PDF sön le smartphone y mëte te n tacuin virtual (virtual wallet) o stampé fora por l'avëi tres para sön papier.
Important: An mëss dagnora convalidé le Südtirol Guest Pass denaco pié ia tres le QR-code.
An ne pó nia l’adoré por les ferates che vá lunc (por ej. EC, Railjet, Frecciarossa, Frecciargento, Italo), por le trasport de rodes y de tiers y gnanca por val' linies dl bus turistiches. Al ne vel nia!
Chiló ciafon de plü informaziuns sön la convalidaziun y la validité dl Südtirol Guest Pass.