Dai 15 de jügn dl 2025 inant él tl zënter de Balsan de gran mudaziuns pro le trasport publich – dantadöt tl raiun incër la staziun dla ferata. Les mosöres fej pert dl proiet de reorganisaziun dla cité tl cuartier nü WaltherPark.
Ci se müda pa?
Le raiun incër la staziun dla ferata vëgn organisé danü. Pro les majeres mudaziuns toca:
- l'alea dla staziun dla ferata devënta n raiun da jí a pe.
- Le rondel dan la staziun dla ferata vëgn tut demez.
I laurs preodüs se ghira na mudaziun dla linia dl trasport publich. Les linies é gnüdes adatades le miú che ara vá ala situaziun dl trafich y tl respet dles infrastrotöres che é bele.
Les majeres mudaziuns por i bus de cité y regionai dai 15 de jügn inant
- I bus ne vá nia plü sö por la strada dla staziun, mo passa fora por la Giuseppe-Garibaldi-Straße y la Südtiroler Straße.
- I bus 1, 7A, 10A y 10B ne s'archita nia plü pro la staziun dla ferata, mo tla Südtiroler Straße.
- Les architades y les plataformes dla staziun ciafa n ater inom y vëgn organisades danü.
Mudaziun pro les architades
- L'architada "Südtiroler Straße" devënta l'ultima architada dles linies 3, 5 y 12.
- L'architada "Waltherplatz“ vëgn lasciada fora ajache ara é tan daimpró ales architades "Südtiroler Straße" y "Dominikanerplatz".
Linia dla ferata Balsan-Maran
La linia dla ferata Balsan–Maran é stlüta dai 15 de jügn ai 9 d'agost dl 2025. Te chësc tëmp vál n bus sostitutif (linia B200).
Chëstes é les mudaziuns:
- I bus dla linia B200 s'archita pro la plataforma F dlungia la staziun dla ferata.
- Les linies 7B y 15 s'archita porintant pro la plataforma G.
- I bus 110 y 111 s'archita pro la fermada "Südtiroler Straße" impede dlungia la staziun dla ferata. Les palses de sorvisc vëgn fates pro l'architada "Sparkassenstraße". Les linies 1, 3, 5, 7A, 8, 10A, 12, 14 y N35 s'archita tratan la stlüta pro l'architada sostitutiva dlungia la Museumsstraße impede tla Sparkassenstraße
Deplü informaziuns y comunicaziuns atuales
Chiló él ciamó d'atri detais sön la trassa, i orars y les architades nöies:
- Plan nü dles architades dlungia la staziun dla ferata dai 15 de jügn ai 9 d'agost dl 2025
- Plan dles architades nü tla Südtiroler Straße dai 15 de jügn dl 2025 inant