Da en domënia, ai 15 de jügn, mët man l'interuziun preodüda dal’aziënda dla rëi dla ferata RFI sön la trassa Balsan<–>Maran. I laurs öga da rové i laurs dles infrastrotöres sön la linia dla ferata.
Bun da savëi
Tratan che la trassa danter Maran y Balsan é stlüta vëgnel pité n sorvisc de bus sostitutifs:
1. Bus "Express" B200, che vá vigni 30 menüc sön la MeBo.
Al s'archita pro chëstes fermades:
- Balsan, staziun de Balsan (plataforma F)
- Balsan Süd-Fiera, staziun (plataforma A y B)
- Lana-Burgstall, staziun
- Maran, staziun de Maran (plataforma B)
Chertes por l'Express B200: Les chertes de iade pón cumpré online o te staziun. Les chertes aladô di chilometri (por ej. südtirolmobil Flex Pass o Südtirol Pass) mëss gní obliterades online o te staziun denanco pié ia. Ara ne vá nia da obliteré les chertes te bus. Dötes les chertes dl südtirolmobil cun tarifa pausciala (chël ó dí l'abo anual o mensil) y le Südtirol Guest Pass n'á nia bria da gní obliterá sön i bus sostitutifs dla linia B200. La cherta é da mostré al personal che controlëia y vel sciöche cherta da mostré sö.
2. Linia dl bus 201 danter Balsan y Maran
Chësta linia vëgn renforzada y le bus vá vigni:
- 15 menüc dal lönesc ala sabeda ia por le de
- vigni 30 menüc la domënia y i dis de festa
Info de iade: Le bus pëia ia dlungia la staziun de Balsan dala plataforma C y a Maran dala plataforma U.
Chertes por le bus 201: Les chertes pó gní obliterades online o diretamënter te bus. Al vëgn azeté dötes les chertes dl südtirolmobil, dl Südtirol Guest Pass y dötes les chertes dla ferata. Sön i bus dles linies 201 ne vára nia da cumpré les chertes. Por garantí che le bus pëies ia aladô dl orar, aconsiëion da cumpré la cherta denanche al sides da pié ia.
Deplü informaziuns:
- Stlütes preodüdes dl 2025-2026: Linia dla ferata de Maran
- Stlütes dla linia dla ferata de Maran y sorvisc sostitutif cun corieres B200: FAQ - Domandes che vëgn dant sovënz
STA/Manuela Tessaro