Ne ëise ciamó degun Südtirol Pass? Spo fajede sëgn domanda: dal 1. de jügn inant ne costel nia.
Cina sëgn messâ che che damanâ do n Südtirol Pass, n Euregio Family Pass, n Südtirol Pass business o n Summer abo+ paié 20 euro por la cherta. Dal 1. de jügn inant ne án nia plü bria da paié valch: la cuota d'emisciun é gnüda tuta jö cun deliberaziun dla Junta provinziala.
Le Südtirol Pass impede la cherta valur
Bel anfat sce i tolëis gonot o ma datrai i mesi dl trasport publich, sëgn n'él plü degöna rajun por ne damané nia do le Südtirol Pass. Deache:
- Bele le pröm iade cun le bus o la ferata cun n Südtirol Pass vëgn a costé demanco co le medemo iade cun na cherta de iade singola; y plü sovënz che an tol i mesi publics y manco che an paia.
- Le Südtirol Pass ves vëgn mené a ciasa debann y insciö ne massarëise tl dagní nia plü jí a ves chirí n automat o na portina dles chertes.
- Sëgn podëise tó le bus o la ferata spontaneamënter: indlunch y te vigni momënt ëise na cherta varënta te gofa.
- I ne adorëis plü degönes monëdes por osta cherta: al é comot che le cost de iade vëgnes adebité da osc Südtirol Pass; le miú él sce i chiris fora da paié diretamënter tres osta banca (SEPA Direct Debit).
- La cherta valur vëgn lasciada sö, ara ne vá nia plü da l'adoré cun i aparac de convaliadaziun nüs ti bus y dal tert isté inant ne podarán gnanca plü l'adoré tles staziuns. Sce i ëis ciamó na vedla cherta valur spo ciarede prëibel da l'adoré sö o da la dé jö pro n post de venüda - südtirolmobil, ci che i ëis ciamó lassura ves gnará paié fora.
Ves unse baié sö? Scriede fora debota le formular online y i ciafarëis tosc osc Südtirol Pass! Bun iade!