Dal scumenciamënt dl 2020 vën i paiamënc al’aministrazion publica dejëuc tres l portal “pagoPA” dl’Agenzia per la digitalisazion dla Talia (AgID – Agenzia per l’Italia Digitale). L’esecuzion efetiva di paiamënc vën fata tres servijes de paiamënt terzi (PSP – Payment Service Provider), che scudësc per uni paiamënt spëises defrëntes, n generel danter 0,50 Euro y 1,50 Euro.
Cie uel pa chësc dì per i tlienc dl Südtirol-Pass?
Chi che à cris ora la metoda de paiamënt prepaid y che uel ciarië si Südtirol Pass / Euregio Family Pass online tres si cont de nuzeda cun na cërta soma de scioldi, chi che uel paië online la spëisa anuela per l Südtirol Pass abo+ o che uel fé d’autri paiamënc tres si cont de nuzeda possa l fé inant cun si cherta de credit. Pra l paiamënt online vënien mé menei inant sun la plata di Servijes de Scudimënt dl Südtirol, ulache l paiamënt vën pona dejëut tres l sistem de paiamënt pagoPA.
Ora che cun la chertes de credit di cërtli Visa y Mastercard possen tres pagoPA nce fé paiamënc tres servijes de paiamënt auternatifs sciche Satispay o Bancomat Pay. I tlienc de vel’ banches possa nce fé l paiamënt coche trasferimënt bancher.
Deplù nfurmazions sun l servisc pagoPA: www.suedtirolereinzugsdienste.it/it/pagoPA-info.asp