De agost mëssel gní fat laurs de prescia sön la linia dla ferata dl Prener y porchël messarál gní stlüt le trafich dla ferata sön chëstes trasses:
- trassa Balsan - Trënt: dai 7 ai 11 d'agost 2023
- trassa Prener - Desproch (A): dai 7 ai 22 d'agost 2023
Sorvisc de sostituziun dla ferata
Al vëgn preodü bus de sostituziun dla ferata sides por le trafich regional sön la trassa Balsan - Trënt (linia B100) che por le trafich a destanza lungia sön la trassa Balsan - Desproch (ÖBB SV300). Ara ne vá nia da se tó para la roda. Por i bus dl sorvisc de sostituziun dla ferata él d'atri orars de partënza co por les ferates y le iade döra sambëgn plü dî.
I bus de sostituziun danter Balsan y Trënt na vá nia tles staziuns mo stá chic pro les architades prinzipales sön la trassa. Orars dl sorvisc de sostituziun dla ferata:
Orars dl sorvisc de bus che sostituësc la ferata Balsan – Trënt
Orars dl sorvisc de bus che sostituësc la ferata Balsan – Desproch
Orars de partënza di bus de sostituziun dala staziun de Balsan:
- tla direziun de Desproch (SV300 ÖBB) dal raiun kiss-and-ride tla strada Garibaldi;
- tla direziun de Trënt (B100 Trenitalia) dala strada Garibaldi.
Orars de partënza di bus de sostituziun dala staziun de Porsenú:
- tla direziun de Desproch (SV300 ÖBB) dala plataforma A;
- tla direziun de Trënt: impröma él da tó la ferata regionala R/RV tla direziun de Balsan, dailó él spo da mudé y tó i bus dl sorvisc de sostituziun dla ferata.
Trafich a destanza lungia: Freccia y Italo
Dötes les ferates dl trafich a destanza lungia cuntra süd (Freccia y Italo) toma fora. An pó tó i bus de sostituziun dl trafich regional de Trenitalia.
Trafich a destanza lungia: ferates Railjet
Les ferates Railjet devers de Viena toma fora. Al ne vëgn nia preodü n sorvisc de sostituziun de chëstes ferates.
Laurs de manutenziun
La linia dl Prener mëss gní stlüta por garantí che i laurs de manutenziun de prescia pois gní fac te na manira sigüda y efiziënta. Dötes les porsones che á intenziun da pié ia te chësc tëmp dess porchël planifiché avisa sü iadi cun la ferata y tigní cunt di orars de partënza di bus de sostituziun.