I abunamënc per seniores che fova atifs d’ansciuda dl 2020 tl scumenciamënt dla pandemia vel chëst ann doi mënsc plu giut.
Mesures d’aiut stateles ti joa ala zitadines y ai zitadins y ai setores economics singui sciche rembursamënt per la restrizions ntan l lockdown. Sun chësta basa à l guviern provinziel dl Südtirol te si delibra nueva sun la tarifes stabilì che la tumanza anuela dl abo 65+ per seniores vënie chëst ann slungeda de doi mënsc. Chësc, ajache l ann passà ne àn, per gauja dl lockdown rigurës, nia pudù nuzé i abunamënc.
Chësc uel dì: per uni Südtirol Pass 65+ che fova atif tl tëmp dal merz al mei 2020 (de ndut 34.000 abunamënc) ie chëst ann la validità anuela unida slungeda de doi mënsc. Chiche à donca nchin a ncuei for slungià si Südtirol Pass 65+ ntëur la metà de setëmber possa chëst ann y da moinlà for l fé ala metà de nuvëmber. Per chëi abunamënc 65+ che ie chëst ann bele unii renuvei tla prima pert dl ann va l slungiamënt dl paiamënt de doi mënsc n forza da chëst ann che vën.
Per l Südtirol Pass abo+ ne vën chësc slungiamënt per l paiamënt nia atuà ajache si tiermul de validità ie for lià al scumenciamënt dla scola.