Les spëises albüdes dl 2025 por i abonamënc por le trasport publich local pó gní trates jö dala cuta sön le davagn (IRPEF). La detraziun tol ite ince i abonamënc di familiars fiscalmënter a ciara.
La soma dles spëises paiades dai utënc/dales utëntes cun le südtirolmubiltà Pass ti é gnüda ortiada inant al’Agenzia dles Entrades y vëgn ajuntada automaticamënter tla detlaraziun dl davagn (Model 730 precompilé).
Novité 2026
Da chësc ann inant ti vëgnel ortié inant automaticamënter al'Agenzia dles Entrades ince les spëises di utënc/dles utëntes cun contrat prepaid, cossa che ne sozedô nia i agn da denant.
Ci spëises pón pa trá jö?
Por s'anuzé dla detraziun, mëss le paiamënt dles spëises por le trasport publich ester gnü fat cun metodes de paiamënt da podëi jí do (por ej. bancomat, debit diret, cherta de credit o d'atri).
Al ne vëgn nia tigní cunt di paiamënc cun contanc. I Ves recordun ince che al é important da tigní sö les cubites de paiamënt sce al ess da gní fat controi.
Ci ne pón pa nia trá jö?
- Chertes ciariades sö nia adorades cina ai 31.12.2025
- Iadi foradecá (por ej. a Desproch)
- Trasport de tiers o rodes
- Sorvisc box dles rodes
- Park&Ride
- Nightliner
- Cosć por duplicac dles chertes
- Spëises de spediziun dles fatures cun contrat postpaid
Olá ciafon pa le ressumé dles spëises dl 2025?
I podëis desćiarié le PDF cun la soma totala dles spëises da trá jö por l’ann 2025 drucan sön chësc link:
Jon te Osc account südtirolmubiltà sön myportal.suedtirolmobil.info, odarëise tosc sides sön la dashboard co tla cassëta fiscala (seziun Cubites y fatures), le link por desćiarié le PDF da ajunté al Model 730 precompilé.
Domandes o debojëgn d'aiüt?
Sce I ëis debojëgn de deplü informaziuns, ortiedi na domanda a nosc sorvisc ala clientela tres le formular de feedback online. Chiride fora Informaziuns > Informaziuns por i passajiers y les passajieres y scriede fora i ciamps damaná.