Autobus regionali

Val’ bus zënza aparat de convalidaziun

Chertes da un n iade sciöche soluziun temporana

Sön val' bus ciafon te certi caji da atira inant da cumpré chertes singoles da 2,50 euro.

Cun l’organisaziun nöia di sorvisc di bus extra-urbans vál dai 14 de novëmber, y daldô spo da mez dezëmber inant, sön linies desvalies bus che n’á nia n aparat de convalidaziun. Chësc reverda sëgn na fasa de passaje de de plü mëisc ajache al vëgn porté ite l’ann che vëgn n sistem de ticketing nü y porchël ince cumpré aparac de convalidaziun cun standards tecnics nüs.

Chertes da un n iade sciöche opziun surapró

Sciöche soluziun temporana por chësta fasa de passaje él gnü porté ite cun deliberaziun dla junta provinziala na cherta da un n iade, n "one-way-ticket“, chël ó dí na cherta singola da 2,50 euro a iade, belanfat tan de chilometri che an vá y tan dî che le iade döra. Chësta cherta da un n iade vëgn te certi caji venüda te bus. Deache che che á n Südtirol Pass o n Euregio Family Pass á la poscibilité da convalidé bele danfora le iade sön le smartphone. Le Südtirol Pass abo+, 65+ y free, sciöche ince la Mobilcard y le Guest Pass vel sciöche cherta de iade da mostré. Che che vá cun le bus y ne sciafia nia da s’anuzé de öna de chëstes opziuns, pó cumpré sön le bus na cherta da un n iade da 2,50 Euro.

Les linies dl bus atocades vëgn amarsciades

Sön indöt sis linies él al momënt val’ bus zënza aparat de convalidaziun: sön la linia 120 Salurn-Balsan, sön la linia 132 Kaltern-Balsan, sön la linia 133 Unterland-Überetsch-Balsan (iadi scolastics), sön la linia 237 Maran-Algund-Oberplars, sön la linia 244 Deutschnonsberg-Ulten sciöche ince sön la linia 246 Fondo-Gampenpass-Maran. Ai 12 de dezëmber podessel rové pormez ciamó linies surapró cun la mudaziun dl orar. I bus atocá y les fermades é amaresciades aladô.

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.