südtirolmubiltà 365 Free Pass
Mubiltà per duc: Cherta de viac debant per persones cun dejabiltà
L südtirolmubiltà 365 Free ie na cherta de viac persunela y eletronica cun chëla che n possa se nuzé debant di mesuns de trasport dla südtirolmubiltà y dla ferates regiuneles nchin Trënt.
Se l damandé possa chësta persones, che ie residëntes tl Südtirol:
- Persones sëurdes;
- Persones cun na invalidità zevila dal 74 % insù (diagnosa dl coleghium di dutores di servijes locai dla medejina legala);
- Persones cun na ceteguria de invalidità che aldò dla deliberazion dla Jonta provinziela n. 3755 di 09 d’utober 2000 ie parificheda a n degré de invalidità zevila dl 100 %;
-
Persones che ne ie nia bones de fé la cunvalidazion per na dejabiltà fisica permanënta (te chësc cajo vën l pass tlamà Free*).
I servijes sëuraprò ie a despusizion dla persones che à l südtirolmobil 365 Free. Chisc servijes ne ie nia a despusizion de chi che à n Free*.
Per ativé i servijes sëuraprò muessen mandé ite la dumanda tres l formuler de cuntat online.
Danter i servijes sëuraprò iel la trasses regiuneles Prëner y Dispruch y Sanciana-Lienz, l trasport dla roda y de tieres, i shuttles nightliner, l park&ride y i box dla rodes.
L südtirolmobil 365 Free ie da cunvalidé dan uni viac; chësc vën fat cun n check-in scëmpl pra i njins de cunvalidazion brums tla curieres y tla stazions.
Sce n muda diretamënter pra na stazion ne iel nia de bujën fé mo na cunvalidazion per l viac cun la ferata de cunliamënt.
Delidedes dala ublianza de cunvalidazion ie chëla persones che, pra la dumanda de giapé l pass debant, à dat sëura che les ne ie nia bones de fé da sëules la cunvalidazion. Chësc vën senialà cun na pitla stëila sun la pert dancà dla cherta.
Per damandé l südtirolmubiltà 365 Free iel da scrì ora l formuler curespundënt aposta, che ie da mandé cun la copia dla cherta d’identità y na copia de n certificàt médich valid che atesta la invalidità a:
- online feedback form
- o da dé ju pra na luegia de venduda südtirolmubiltà.
N giapa la cherta debant, sce n adrova n duplicat costa chësc 20 Euro.