Le cargobike-sharing debann por vire la cité en liberté
Por jí a cumpré ite, fá ia val' scüfs o jí inzai cun i mituns: na soluziun pratica, flessibla y dagnora da tó ca.
Porvede fora la cargobike plü adatada a üsc bojëgns: al vëgn metü a desposiziun cargobikes cun scagn di mituns y ciol de segurëza por tó para mituns y mitans, o por le trasport de tasces y patüc pesoch.
Le sorvisc é debann, mo pó ma gní anuzé sce an á complí altamo 18 agn y á n codesc fiscal talian.
Les cargobikes é da ciafé a Maran y Porsenú tles botëghes y assoziaziuns partner che fej para al proiet.
La cargobike é da jí a dó y condüje zoruch tratan l'orar de daurida tla medema botëga o tla medema assoziaziun.
Les cargobikes pón aposté cun l’app MOQO. Sce I desćiariëis chësta app, podëise chirí la staziun plü daimpró da Os, controlé la desponibilité y aposté Osta cargobike te püc vari.
An pó resservé la roda cina a 3 edemes denant y cina a 7 dis.
Scriesse ite debann al sorvisc
- Desćiariede l'app de sharing MOQO
- Registresse pro le team "Move to Cargo"
- Ortiede na copia de Osc documënt d'identité a movetocargo@sta.bz.it
Le control dl’identité pó doré cina a 3 dis da laur.
Playstore (clichede chiló por desćiarié la versciun por Android)
App Store (clichede chiló por desćiarié la versciun por iOS)
Co nasc pa Move to Cargo?
- La scomenciadia Move to Cargo é nasciüda tl cheder dl proiet SuCoLo: “Fostering Sustainable Consumer behaviour with inclusive bicycle logistics infrastructure in urban outskirts”. Chësc proiet é gnü cofinanzié dal'Uniun Europeica y dal Plann nazional de refata y resiliënza (PNRR) - NextGeneration EU, cun le finanziamënt n. 392 di 14/02/2024, n. P/070002/01- 02/X67, CUP B39H22000070004.
- Por deplü informaziuns jide sön SuCoLo.eu
Le proiet SuCoLo é gnü stlüt jö de jügn dl 2026, mo la scomenciadia “Move to Cargo” romagn tres ciamó ativa y vëgn finanziada dala Provinzia autonoma de Bulsan.
