En chësc ann ciafará apresciapüch 6.113 porsones le bonus por pendolares y pendolars por compensé le stlet sorvisc dles ferates regionales che s'á porté pro tratan le 2024; le valur complessif amunta a 490.525,79 €.
Co funzionëiera pa?
Tla provinzia de Balsan vëgn chësta indenisaziun preodüda dai contrac cun i operadus dl sorvisc dla ferata Trenitalia y SAD. Canche na ferata röia sovënz massa tert o toma fora gonot vëgnel apliché penales che ti vëgn trasferides tres l'assessorat por la mobilité dla Provinzia ales pendolares y ai pendolars atocá sot forma de acreditamënt.
Che á pa le dërt da ciafé l'indenisaziun?
Ales porsones che fej les pendolares che á tut regolarmënter tl 2024 ferates regionales de Trenitalia y SAD, y che á convalidé almanco 30 iadi al mëis cun le Südtirol Pass o l'Euregio Family Pass, ti gnarál acredité le bonus ai 14 de ma dl 2026.
An podará l'odëi sön le saldo romagnënt dles chertes da ciaré sö o al gnará trat jö dala proscima fatura.