Mobile ticketing: un biglietto online viene presentato all'autista

Passajieres y passajiers dl bus odede:

Jide söl sigü cun le mobile ticketing

Porvia de adatamënc tecnics vëgnel atualmënter apliché ti bus criters d'adoranza desvalis por les chertes y i abonamënc. N bun consëi: le mobile ticketing vel dagnora.

Te chisc mëisc vëgnel arjigné ite vare por vare i bus te döt le Südtirol cun les tecnologies de ticketing nöies. Te chësta fasa de transiziun pól porchël ester te bus automac de convalidaziun y de ticket nüs, vedli o al pó ince n'un n'ester degügn. Por les chertes, le Südtirol Pass y i abonamënc vëgnel insciö apliché condiziuns d'adoranza desfarëntes por rajuns tecniches. Ara ne vá nia da savëi cares che al é, bele denant che senté ite te bus.

Porchël: cun le mobile ticketing jëise söl sigü. Che che cumpra y convalidëia süa cherta online tres l'app südtirolmubiltà ne depënn daldöt nia da automac de chertes y da aparac de convalidaziun y á tres na cherta varënta da tó ca. Ince les porsones che á n Südtirol Pass y n Euregio Family Pass fej dërt da convalidé so iade bele danfora online tres le smartphone.

Ci chertes vá pa te ci bus?

Sistem de ticketing nü: I pröms bus cun i automac de convalidaziun y dles chertes nüs vëgn bele adorá, danter l'ater sön les linies 181, 182, 184 y 185. Le Südtirol Pass te dötes sües variantes pó gní convalidé sciöche an é ausá, mo al ne pó por intant nia gní ciarié sö. Ince les Mobilcards y i Guest Pass pó gní convalidá sce al é chertes contactless, les chertes cun la strisciora magnetica vel sciöche cherta de iade da mostré. Les chertes de iade scëmples por le iade che an ó fá o le toch dejidré ciafon da cumpré te bus paian cun scioldi contanc. Te chisc bus ne vára nia da d'adoré les chertes valur. Chëstes pó gní dades jö ti posć de venüda-südtirolmubiltà y an ciafa derevers i scioldi che é ciamó lassura.

Sistem de ticketing vedl: I aparac de convalidaziun bröms che vëgn adorá dal 2012 incá gnará tuc bel plan demez ia por l'ann. Porchël n'él ma plü dainré da ciafé ti bus y ince chi che é tles staziuns gnará baratará fora cun aparac nüs tratan chësc ann.

Bus zënza aparac de ticketing: Tratan chësta fasa de adatamënt y de test n'él te n valgügn bus degügn aparac de convalidaziun. Dantadöt te chisc bus vëgnel aconsié da convalidé le Südtirol Pass bele danfora online, por che an pois adoré la tarifa che an é ausá. Scenó mësson cumpré ti bus na cherta de iade scëmpla da 2,50 euro.
I ticket suandënc vel te chisc bus sciöche chertes da mostré: le Südtirol Pass abo+ y le Südtirol Pass 65+, le Pass de scora, dötes les Mobilcards y le Guest Pass, la BusCard Meran, l'Euregio Ticket Students, la cherta por n de Euregio 2 Plus y la cherta de coliamënt por ferates EC dla DB / ÖBB.

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.