D'isté fej l'aziënda dla rëi dla ferata RFI (Rete Ferroviaria Italiana) indô de gragn laurs sön la linia dla ferata de Maran. A chësta moda gnarál stlüt jö l'istalaziun metüda man l'ann passé dl sistem europeich de control dles ferates ETCS. Implü gnarál ince en pert alzé la pataforma 1A (scina moza) tla staziun dla ferata de Balsan.
Por chësta rajun sará la linia dla ferata de Maran stlüta daldöt da en domënia, ai 15 de jügn dl 2025 cina en sabeda, ai 9 d'agost dl 2025.
Chiló ciafëise dötes les domandes sön la stlüta dla linia y le sorvisc de sostituziun.
FAQ - Domandes che vëgn fates sovënz
Sorvisc sostitutif cun bus
Informaziuns plü avisa sön le percurs dl sorvisc sostitutif
Le bus "express" pëia ia vigni mesora y tol la Mebo. Al stá chit te chisc posć:
- Balsan, staziun de Balsan (plataforma F)
- Balsan, staziun de Balsan Süd-Fiera
- Burgstall, staziun de Lana-Burgstall
- Maran, staziun de Maran (plataforma B)
I bus de sostituziun á le numer B200.
Cumpra y convalidaziun dles chertes de iade: Les chertes de iade pó gní cumprades y convalidades online o tles staziuns dla ferata - ara ne vá nia da convalidé la cherta te bus. Les chertes pausciales y le Südtirol Guest Pass vel sciöche chertes de iade da mostré. Al vëgn azeté dötes les chertes dla ferata varëntes.
Sciöche alternativa pón ince tó le bus de linia 201 che coliëia Balsan y Maran.
Chësta linia gnará potenziada y al jará n bus vigni 15 menüc ia por le de dal lönesc ala sabeda, la domënia y i dis de festa jarál vigni mesora.
NOVITÉ: Partënza da Balsan sön la plataforma nöia C. Da Maran pëia ia le bus dala plataforma U.
Cumpra y convalidaziun dles chertes de iade: Les chertes de iade pón cumpré y convalidé online o ti bus. Al vëgn azeté dötes les chertes dla ferata varëntes.
Tó para la roda: Ti bus sostitutifs ne vára nia da se tó para la roda.
Informaziuns por porsones cun na mobilité limitada é da ciafé CHILÓ.