La mobilité sostignibla á tröpes formes: dales scomenciadies scolastiches ala reorganisaziun dla mobilité aziendala. Le Südtirol é bele en movimënt cun n gröm de proiec inovatifs che se mirita visibilité y sostëgn. Le pest reconësc avisa chësta varieté y premiëia scomenciadies che porta pro concretamënter a na mobilité orientada al dagní.
Criters de valutaziun
Na iuria tecnica valutará i proiec aladô dl prinzip: “schivé - trasferí – mioré“ le trafich do chisc criters:
- contribut ala mobilité sostignibla
- faziun sön le contest local
- creativité y visibilité dla scomenciadia
- comunicaziun, inovaziun y poscibilité da s’anuzé dl medemo invalgó d’ater
Te vigni categoria ciafa che che davagna n pest de scioldi. Implü ciafará che che röia pröms de vigni categoria n video profescional por promöie so proiet sciöche best practice.
Na odlada al 2025
Tl 2025 él gnü premié, tres i criters nüs y l’assegnaziun dl pest te categories, cater proiec:
- Scores y assoziaziuns: 1. post Istitut comprensif de Algund Ciarede sëgn
- Comuns y comunités raionales: 1. post Direziun raionala Burggrafenamt Ciarede sëgn
- Aziëndes: 1. post Alpitronic Ciarede sëgn
- Pest spezial dla iuria: nature house Ciarede sëgn
Co fá da se candidé?
Dötes les porsones interessades pó mené ite sü proiec da atira inant. Le formular de candidatöra online y dötes les informaziuns importantes sön i criters nüs é da ciafé chiló:
Le termo por dé jö la candidatöra é en vëndres, ai 31 de messé dl 2026.
Contatesse scrion a premiomobilita@sta.bz.it sce I ëis domandes o adorëis informaziuns.
Le Pest dla Mobilité vëgn promoiü dala Junta dla Provinzia autonoma de Balsan y coordiné da STA.
Sëise arjigná?