südtirolmubiltà Business Pass
La soluziun flessibla por les aziëndes y so personal
Le Business Pass é na cherta da trasferí che an ciafa cun na tarifa de 0,13 euro al chilometer. Al é ideal por les aziëndes che ó trá jö te na manira scëmpla y trasparënta i iadi de laur.
Le Business Pass vel por düc i mesi dl trasport publich tl raiun dl trasport integré südtirolmubiltà, cun lapró ince les ferates regionales cina Trënt. Al pó ince gní tut les ferates regionales sön la trassa Prener - Desproch y Vierschach – Lienz, y chël aladô dla tarifa locala dl VVT/ÖBB.
Le südtirolmubiltà Business Pass ne pó nia gní adoré sön les ferates che vá lunc (EC, Freccia, Italo, Railjet y i.i.).
Vantaji por les aziëndes
- Flessibilité y aministraziun autonoma: Le Business Pass pó gní trasferí danter i colaboradus y les colaboradësses y al vëgn manajé dal'aziënda.
- Vantaji aministratifs y fiscai: I cosć de iade röia diretamënter sön le cunt dl datur/dla daturia de laur y pó gní trac jö dales cutes.
- Sostignibilité y imaja dl'aziënda L'aziënda porta pro ativamënter a na reduziun dl trafich y devënta insciö n ejëmpl de mobilité sostignibla.
Deplü informaziuns sön les ofertes de südtirolmubiltà, sciöche por ejëmpl l'abonamënt anual Fix365 por i colaboradus y les colaboradësses, ciafeste te chësta brosciüra
Deplü informaziuns: mobilitymanagement@sta.bz.it.
- Park&Ride y box dla roda: I sorvisc surapró Park&Ride y box dla roda funzionëia automaticamënter cun l’ativaziun dl Buisness Pass. Chisc pó gní dejativá dal'aziënda tl cunt de laur.
- Trasses sura i confins fora: Sön les trasses Prener - Desproch y Vierschach – Lienz vëgnel apliché les tarifes dla ÖBB / VVT (Verkehrsverbund Tirol).
- Trasport dla roda: I cosć vëgn calcolá aladô dla tarifa di km dl südtirolmubiltà Flex Pass, olache al vel na tarifa de 3,50 euro al de. Deplü informaziuns sön le tó para la roda.
Al pó gní aposté da aziëndes privates y publiches, impreses individuales, laurantes y lauranc autonoms, assoziaziuns o organisaziuns che á na partida CVA taliana o n codesc fiscal talian.
Le Business Pass n'é nia personal; al vëgn dé fora a inom dl’aziënda. Al pó gní adoré da deplü colaboradus y colaboradësses. An pó damané do debann tan de abonamënc che vá debojëgn.
Por damané do n südtirolmubiltà Business Pass menede prëibel na e-mail a: mobilitymanagement@sta.bz.it.
Por arjigné ite n cunt aziendal vál debojëgn de chisc dac:
- inom y misciun dl'aziënda o dl'istituziun
- numer de partida CVA dl'aziënda
- codesc fiscal dla titolara/dl titolar o dla responsabla/dl responsabl dl'aziënda o dla rapresentanta legala/dl rapresentant legal
- codesc destinatar
- misciun PEC
- IBAN y inom dla titolara/dl titolar dl cunt
- inom y misciun e-mail dla porsona che aministrëia i Pass. Cun chësta e-mail gnarál fat l'azes al cunt dl laur.
- tan de Pass che I adorëis.
Fornidöra: Le business pass pón jí a dó ti infopoints de südtirolmubiltà dlungia la staziun dles corieres a Balsan (Rittnerstr.) o al vëgn mené por posta.
Sce an se perd la cherta, sce ara ves vëgn arobada o sce an vëiga che ara é dër rovinada pón damané do n duplicat ala misciun e-mail mobilitymanagement@sta.bz.it. Le duplicat costa 20 euro.
Sce an ne vëiga nia che la cherta é rovinada, mo ara ne vá nia porvia de n defet o deache le material é consumé, pón damané do n duplicat debann.