L südtirolmubiltà Flex Pass
Cun una na cherta – dut l Südtirol te fuia
L südtirolmubiltà Flex Pass ie na cherta de viac eletronica che possa unì adurveda coche abunamënt per dut l ann per duc i mesuns de trasport publics tl Südtirol.
L prinzip: Plu chilometri che n furnea tl tëmp de n ann y plu a bon marcià che la tarifa chilometrica sarà. L priesc per uni viac vën ratà automaticamënter pra la cunvalidazion aldò dla sort de cherta: o tres detrazion periodica diretamënter dal cont bancher o tres detrazion de uni viac dala soma ciarieda su.
Saurì da adurvé y flessibl:
- te dut l raion dl trasport publich südtirolmubiltà cun leprò nce la ferates regiuneles nchin a Trënt;
- ala tarifa VVT / ÖBB nce sun la trasses dla ferata Prëner-Dispruch y Sanciana/Vierschach-Lienz; sce n uel possen registré la cherta de vantaje dla ÖBB (ÖBB-Vorteilscard);
- per tré ju la tarifa per n di sce n tol pea la roda;
- per tré ju l priesc dl viac sce n tol pea n tier;
- per viages cun la curieres Nightliner.
La cherta ne possa nia unì adurveda per viages cun ferates a destanza longia (EC, Freccia, Italo, Railjet y nsci inant).
L südtirolmubiltà Flex Pass possa unì damandà online da persones cun n numer de codesc fischel talian che ie residëntes tla Union Europeica o tla Svizera o che lëura, va a scola o studieia tla provinzia de Bulsan.
Se damandé l südtirolmobil Flex Pass
L priesc per n viac cun la curiera o la ferata vën a se l dé dai chilometri furnei y l priesc dl livel tarifer curespundënt. Via per l ann, cun l se amudlé di chilometri furnei, vëniel aplicà var do var 5 livei tariferes cun n priesc chilometrich che se arbassea man man. Cun uni ann de referimënt (for dala data dla prima ativazion dl südtirolmubiltà Flex Pass) vën l cont chilometrich dl südtirolmulbiltà Flex Pass metù a nul y l scumëncia inò l livel tarifer 1.
L priesc di viages vën calculà nsci:
| Livel tarifer | Chilometri furnei te n ann | Priesc de viac ala tarifa chilometrica |
|---|---|---|
| 1 | 1 a 1.000 km | 12 Cent |
| 2 | 1.001 a 2.000 km | 8 Cent |
| 3 | 2.001 a 10.000 km | 3 Cent |
| 4 | 10.001 a 20.000 km | 2 Cent |
| 5 | da 20.001 km | 0 Cent |
| Soma mascima al ann | 640 Euro |
L priesc minim per uni viac curespuend a 10 km tariferes. Per viages de cunliamënt cun curieres te duc i luesc ora che Bulsan y Maran vëniel ratà n priesc minim de 5 km tariferes.
Curieres de zità Bulsan y Maran coche nce Citybus: duc i viages tl tëmp de 60 menuc tla medema zona tarifera vën cunscidrei sciche n viac sëul.
Tarifa al di de al plu 20 Euro: Per i viages fac dai passajires vëniel trat ju al plu 20 Euro al di. Sëuraprò vëniel sce n cajo nce ratà l priesc de viages sun la trasses dla ferata Prëner-Dispruch y Sanciana-Lienz, l priesc de viages cun i Nightliner o chël dl cost tl cajo che n tol pea na roda o de n tier.
L südtirolmobil Pass possa unì damadà sun chësta plata web. N adrova:
- i dac persunei dla persona che fej dumanda
- n numer de codesc fischel dla Talia *
- na copia digitela (fotografia) dla cherta d’identità
- la coordinedes bancheres (IBAN, SWIFT / BIC Code, banca y filiela) per chëi tlienc che uel paië si viages tres paiamënt bancher
* Chi che ne à degun codesc fischel dla Talia possa se l damandé pra l’Agenzia dla Ntredes.
Sce l'adebitaziun dla fatura n'é nia jüda a bun fin, ves periunse bel da paié la soma ciamó daverta tres paiamënt bancar sön le cunt dé dant chiló dessot.
Sciöche gauja de paiamënt él da dé dant le numer dla fatura (FVMOBxx-xxxxxxx).
STA - Strutture Trasporto Alto Adige SpA
Via dei Conciapelli 60 • I-39100 Bolzano
Cassa Centrale Raiffeisen S.p.A.
IBAN: IT12C 034931 1600 0003 0003 9225
SWIFT/BIC: RZSBIT2B
.