Insegnantes y insegnanc dla cuarta elementara - al é ora da aspané les ares dla creativité!
Cun le moto "La roda plü mata y plü cool", inviunse dötes les cuartes classes da tó pert a nosc concurs da depënje y dessigné.
I mituns y les mitans pó lascé jí la fantasia y proieté süa roda di somi: plü demorvëia che ara é, miú che al é! Che ara sides dër da corusc, che ara smizes incërch o che ara bütes dër: döt é poscibl!
La plü bela? Cun n pü’ de fortüna gnará öna dles Crazy Bikes realisada tles dimenjiuns reales y ti gnará scincada propi al pice artist o ala picia artista che l'á dessignada!
Y spo él ciamó val’: döta la classa de che che davagna gnará inviada a na festa de premiaziun a Desproch!
Scriede atira ite osta classa:
- Termo d'iscriziun: ai 13 de novëmber dl 2026
- Termo por dé jö i dessëgns: ai 22 de Jená dl 2027
La roda é cotan deplü co ma n meso de trasport: ara é ecologica, moderna y pó veramënter ester creativa!
Cun le concurs Crazy Bike, inviunse dötes les mitans y düc i mituns dles cuartes classes dl Südtirol a lascé jí süa fantasia!
L’obietif
Proietede osta roda di somi: da corusc, demorvëia y plëna de idees geniales. Mostresse tan "crazy" che la mobilité ecologica pó ester!
Che ara sides sportiva, da fantasia o futuristica: döt vá bun!
Al é ma öna na regola importanta: ponsede ince ala segurëza stradala, ajache osta roda ideala ne dess nia ma ester bela… mo ince sigüda sön strada!
Che pó pa fá para?
Düc i mituns y les mitans de cuarta classa elementara dl Südtirol é dër bel inviá da tó pert!
Co funzionëia pa l'iscriziun?
L'iscriziun mëss gní fata dal personal insegnant tres chësc link cina alplü tert ai 13 de novëmber dl 2026:
Co realisé le dessëgn
- Format damané: A3 (bloch da dessëgn n. 5 – 128g)
- Tecnica lëdia: corusc de lëgn, corusc a ega, collage… döt vá bun!
Important
Iadedô sön le dessëgn mëssel gní scrit chisc dac:
- Inom dla möta o dl möt
- Classa
- Scora
Termo por dé jö i dessëgns: ai 22 de Jená dl 2027
Dötes les informaziuns ti gnará lasciades alsavëi por tëmp y ora tres e-mail al personal insegnant dles scores.
Che sará mo la davagnadëssa o le davagnadú a livel provinzial?
Nosta iuria spezialisada chiriará fora danter düc i dessëgns dá jö na davagnadëssa o n davagnadú: la möta o le möt cun la Crazy Bike plü creativa che vá da realisé!
La roda che davagna gnará veramënter realisada da profescionisć, ara jará da jí impara y sará fata aladô dles desposiziuns de lege y gnará presentada da n evënt publich. Spo ti gnarára scincada al möt o ala möta che l’á ideada!
Ci dess pa avëi na roda por davagné?
Por che ara vais da costruí davëi la roda:
- mëssera jí da realisé tecnicamënter
- ara mëss funzioné y ara mëss jí da pedalé impara
- ara mëss ester conform ales normes de segurëza stradala taliana (por ej. cun arferadus, löms y i.i.)
- Nota: ara ne vá nia da realisé na e-bike.
Pesć ince por le secundo y le terzo post!
A pert le pest prinzipal ti surandará la iuria ince n reconescimënt al möt/ala möta che davagna le secundo y le terzo post. Te chësc caje cunta dantadöt öna na cossa: na creativité zënza limic! Al scomenciamënt de ma gnarál invié la classa dl möt/dla möta che á davagné da jí a Desproch ala festa de premiaziun!
Premiaziun y avenimënt final
Che che davagna gnará chirí fora da na iuria de esperc y espertes. La roda che davagna gnará realisada, presentada ofizialmënter al publich y premiada tratan n evënt conclusif spezial.
Düc i detais ti gnará lasciá alsavëi por tëmp y ora tres e-mail ales insegnantes y ai insegnanc.
La roda fej scora
Material didatich sön le tema dla mobilité cun la roda
Orëise aprofondí te classa le tema dla mobilité cun la roda o s'arjigné ca le miú che ara vá al concurs?
I un avisa ci che vá bun por os: n cufer didatich intier cun propostes concretes y contignüs interessanc por materies scolastiches desvalies.
Implü ves lasciunse ince alsavëi nostes propostes tl ciamp dl’educaziun stradala y dla mobilité sostignibla.
Chiló ciafëise dötes les informaziuns: Educaziun stradala - Safety Park Südtirol