Linia dl Prener stlüta d'agost dl 2025

Dai 12 d'agost ai 18 d'agost dl 2025 gnarál stlüt le toch Porsenú-Prener-Steinach am Brenner (A) por fá laurs de manutenziun. Al vëgn pité n sorvisc de bus che vá impede la ferata.

La rajun por la stlüta dla trassa é i gragn laurs de manutenziun al'infrastrotöra y les mosöres de preparaziun por proiec dla ferta dl dagní. 

Tl detai vëgnel fat chisc laurs:

• manutenziun sistematica dles scines sön la trassa,
• manutenziun dl tunel de Pflersch,
• renovamënt de toc de scines tla staziun dl Prener,
• realisaziun dla burcia por la linia dla ferata de Puster sön la Val de Riga y
• laurs tl raiun a süd dla staziun de Porsenú.

Les mosöres vëgn a se le dé a öna cun le gestur dles infrastrotöres RFI y é gnüdes planificades a na moda da les combiné cun i laurs bele preodüs sön le toch austriach dla linia dla ferata dl Prener. A chësta moda pó mosöres de modernisaziun importantes gní trates dant y liades te na manira efiziënta ala rëi coletiva.

Conseguënzes por le trasport cun la ferata

Trasport regional

Sön le toch Balsan-Porsenú vá les ferates regionales ma vigni ora:

• Les ferates che vëgn da Maran pëia ia de regola vigni ora 2 menüc do l'ora dala staziun de Balsan demez y röia tla staziun de Porsenú dui menüc do la mesa.
• Les ferates da Porsenú a Balsan vá ca. 30 menüc plü tert, ares pëia ia vigni ora dales 55 y röia a Balsan dales 29.

Metede prëibel averda: Dötes les porsones che vá inant a Maran mëss mudé a Balsan.

• Les ferates regionales dla sort „Regionale Veloce“ vá ma da süd de Balsan demez y ne vá porintant nia da nord de Balsan demez.
• Danter Porsenú y Prener vál vigni ora n bus sostitutif. I bus pëia ia dala plataforma B dla staziun dla ferata de Porsenú demez.
• Tla staziun dla ferata dl Prener tolon le bus sostitutif SV300 dla ÖBB devers de Steinach am Brenner (A).

Sorvisc de sotituziun Porsenú-Prener

I bus sostitutifs ne s'archita nia dagnora avisa dan la staziun dla ferata. Les fermades é en pert defora dal raiun dla staziun dla ferata y pó se mudé aladô dl post.

I bus sostitutifs s'archita chiló:

Sön le toch Porsenú-Sterzing pón ince s'anuzé dla linia regionala 310.

• Tó para la roda: Ti bus sostitutifs ne vára nia da se tó para la roda.
•  Informaziuns por porsones cun na mobilité limitada é da ciafé CHILÓ. 

Cumpra y convalidaziun de chertes di bus sostitutifs:

Les chertes de iade pón cumpré y convalidé online o tles staziuns. Ara ne vá nia da cumpré y convalidé les chertes te bus. Les chertes pausciales y le Südtirol Guest Pass vel sciöche chertes de iade da mostré. Al vëgn azeté dötes les chertes dla ferata varëntes.

Metede prëibel averda: Ti bus dla linia regionala 310 (Porsenú-Bornech) velel ince les chertes dla ferata.

Orars di toc atocá

• Orar dla linia dl Prener: Linia 100 Porsenú-Balsan-Verona.
• Orar dl sorvisc de sostituziun cun le bus sön le toch Porsenú-Balsan: Linia B100 Prener-Porsenú-Trënt.
• Orar dl sorvisc sostitutif cun le bus sön le toch Steinach-Prener: Linia SV300 Steinach am Brenner-Prener.

D'atres conseguënzes sön la ferata a süd de Balsan dan y do la stlüta

Porvia dla stlüta dla linia dl Prener sön le toch Porsenú – Prener – Steinach am Brenner (A) él chëstes mudaziuns a süd de Balsan:

• La ferata R1829, che pëia ia dales 21:05 da Desproch, toma fora dai 11 ai 18 d’agost sön la trassa taliana . Al é preodü n sorvisc sostitutif danter le Prener y Trënt.
• La ferata R1826, che pëia ia da doman dales 6:40 da Trënt cuntra le Prener, toma fora dai 12 ai 19 d'agost. Le bus sostitutif n'é nia preodü te chësc caje.

Trasport a destanza lungia y de marcianzia

Tratan chësc tëmp vëgn les ferates a destanza lungia por ejëmpl les ferates Railjet (RJ) y Eurocity (EC) y le trasport de marcianzia oc sön la linia Tauern y Tarvis.

Infos sön d'atres stlütes tl Tirol

I oresson ince ves lascé alsavëi che al é chëstes stlütes tl Tirol:

1. Stlüta te döes fases sön le Deutsches Eck preodüda dala ÖBB: Sperre Deutsches Eck - ÖBB
2. Stlüta tl raiun Desproch–Mittewald: Serv13021

STA/Manuela Tessaro