N i dis che vën scumëncia l personal de cuntrol de südtirolmobil tla Provinzia de Bulsan a purté cun sé bodycams – de pitla cameres che possa unì ativedes tl cajo de bujën per registré cie che suzed. L travert ie chël de schivé atacs y de i documenté.
La cameres ne registrea nia tresora: les vën purtedes sun l corp a na moda che n les vëije bën. Les vën bën mpiedes canche n mët man de lauré ma la registrazions scumëncia mé y permò tl cajo de pericul cuncret tler y muessa unides mpedes manualmënter.
La ntroduzion de chësta mesura à n fin dopl: da una pert à la bodycams na fazion che sprigulea i atacanc putenziei, dal’autra pert dàles la puscibltà de documenté la situazion de viulënza y nsci possa l material video tëut su unì adurvà per la nrescides dl’autoriteies giudizieres.
Per garantì la prutezion di dac y la segurëza, vën la registrazions salvedes a na maniera codificheda. Azes al material video à mé l’autoriteies giudizieres y l personal autorisà dla STA – Strutures de trasport dl Südtirol SPA. Nsci vëniel segurà che i cuntenuc posse mé unì udui da persones che n à l dërt.
Chësta mesura sotrissea l mpëni per plu segurëza tl trasport publich local – sibe per i/la passajires che per l personal de trasport.