Il nuovo AltoAdige Pass business

Südtirol Pass business

Furné ncantëur per l lëur tl respet dl ambient

Iel pa mpurtant per té che ti culaburadëures furnëie ncantëur cun i mesuns publics per respet dl  ambient? Po ie l Südtirol Pass business la miëura soluzion: l ie na cherta de viac saurida y flessibla per viages de lëur te dut l Südtirol.

I vantajes: I/La culaburadëures ruva ulache i/les uel ruvé a na maniera flessibla y zënza messei crì na plaza da parché l auto, oradechël se sparani/sparanieles uni mëns de fé la calculazions per giapé de reviers i cosć per i viages de lëur. La mpreja à dal’autra pert vantajes tl paiamënt dla chëutes per la spëises di viages fac cun l Südtirol Pass business. Ma dantaldut porta ti mpreja pro ativamënter a smendrì l trafich deventan n ejëmpl per n manejamënt sustenibl dla mubiltà.

Südtirol Pass business: nsci vëniel nuzà

Saurì da adurvé y flessibl:

  • te dut l raion dl trasport publich südtirolmubiltà cun leprò nce la ferates regiuneles nchin a Trënt;
  • ala tarifa VVT / ÖBB nce sun la trasses dla ferata Prëner-Dispruch y Sanciana/Vierschach-Lienz; sce n uel possen registré la cherta de vantaje dla ÖBB (ÖBB-Vorteilscard);
  • per tré ju la tarifa per n di sce n tol pea la roda;
  • per tré ju l priesc dl viac sce n tol pea n tier;
  • per viages cun la curieres Nightliner.

La cherta ne possa nia unì adurveda per viages cun ferates a destanza longia (EC, Freccia, Italo, Railjet y nsci inant).

Uni Südtirol Pass business possa unì adurvà dai/dala culaburadëures che se l baratà ju. N check-in per n viac cun la curiera o la ferata ie for mé puscibl per una na persona, chël uel dì, nia per de plu persones tl medemo tëmp.

Cosć y priejes de viac

Per viages cun la curiera y la ferata tl raion dla rë dla südtirolmubiltà vëniel for ratà n priesc fis unich de 0,12 Euro per kilometer tarifer. Per la ferates regiuneles sun la trassa Prëner-Dispruch y Sanciana /Vierschach – Lienz vel la tarifa da iló (VVT / ÖBB).

L priesc minim per uni viac, nce tl raion dla ziteies Bulsan y Maran, curespuend a 10 kilometri tariferes. N priesc minim de 5 kilometri tariferes vën alincontra calculà per duc i viages de cunliamënt cun la curiera te duc i autri luesc.
Sce l vën fat de plu viages cun la curieres de zità a Bulsan y Maran o cun la curieres Citybus tl raion dl luech tl tëmp de 60 menuc, vën chisc viages ratei coche un n viac.

Damandé l Südtirol Pass business: chi y co?

L Südtirol Pass business possa unì damandà da mprejes privates y publiches, da firmes individueles  coche nce da prufesciunisć liedesc che à n numer de partida IVA dla Talia. L possa unì damandà de plu chertes per tan de culaburadëures che n uel.

Sce na mpreja a truep culaburadëures possela nce damandé n cër numer de Südtirol Pasc spartii p.ej. aldò dla repartizions o filiales. Te chësc cajo iel de bujën de scrì ora n formuler de dumanda per uni ragrupamënt njinian ite n cont de nuzeda separat.

Al cuntrer dl Südtirol Pass ne ie l Südtirol Pass business nia na cherta de viac persunela, y la possa perchël nce unì nuzeda da de plu persona che se la barata ju.

Se damandé l Südtirol Pass business

Scriede fora prëibel chësc formular online por damané do le Südtirol Pass business y dede dant chisc dac: numer dla cuta söl valur ajunté dl’aziënza, codesc fiscal dl titolar o dl responsabl dl’aziënda y tan de Südtirol Pass che i adorëis.

L’inom dl utënt y la passwort por ajigné ite le cunt dl utënt online vëgn ortiá tres e-mail. Ciariede spo sö l’inciaria SEPA dl’aziënda y la detlaraziun che i dac é dërc.

Al ves vëgn spo ortié por posta i Südtirol Pass business che i adorëis.

Cont de nuzeda online

Do che n à fat dumanda ti vëniel mandà ala mpreja per e-mail i dac d’azes al cont de nuzeda tl portal dl Südirol Pass. Tl cont de nuzeda possa la mpreja udëi si contes Südtirol Pass, la situazion dl cont, la cumpëida di kilometri fac tl tëmp de calculazion atuel y duc i viages fac cun l Südtirol Pass business. Tres chësc portal possel nce unì damandà duplicac.

Avis: la lista detalieda di viages ie da udëi nchin trëi mënsc do che l ie unì dat ora la conta. Dadedò vëniel anonimisà duc i dac georeferenziei y l vën mé plu dat sëura la data di viages y l priesc curespundënt.

Ativé l Südtirol Pass business

Dan che l vënie adurvà l prim iede iel per uni Südtirol Pass business de bujën de fé n’ativazion sun l cont de nuzeda. Per fé chësc dajëde prëibel ite l numer dl Südtirol Pass business.

L possa n cajo duré n valgun’ëura nchin che l’ativazion vënie tëuta su te dut l sistem di dac y l Südtirol Pass business nuef possa unì adurvà.

Conta y paiamënt dal contcurënt

L Südtirol Pass business ie mé da giapé cun n cuntrat postpaid (SEPA Direct Debit). La detrazion di cosć de viac dal contcurënt vën fata uni doi mënsc, tl cajo de somes cumplessives de manco de 10 Euro uni cater mënsc. La faturazion vën fata eletronicamënter tres SDI.

Validità y slungiamënt automatich

L Südtirol Pass business vel per n ann a pië via dala prima cunvalidazion. Do che l ann ie passà vën la validità automaticamënter slungeda de n ann cun la proscima cunvalidazion.

Sce l Südtirol Pass business ne vën per dut n ann de validità nia adurvà vëniel deativà automaticamënter. L ie for puscibl fé n’ativazion nueva: cuntatëde te chësc cajo l Zënter de servisc y nfurmazion Südtirolmubiltà tres l numer 0471 220 880 (numer diret 2) o per e-mail contact@suedtirolmobil.info.

Se damandé n duplicat

Tl cajo che l Südtirol Pass business vede perdù, vënie rubà o sibe tlermënter danejà possen damandé per l priesc de 20 Euro n duplicat tres l cont de nuzeda persunel:

Metëde verda: La dumanda de n duplicat ne possa nia unì trata zeruch.

Sce l ne ie nia da udëi che n Südtirol Pass business fossa danejà ma l ne va nia pervia de n defet o la fruadura dl material, possen damandé n duplicat debant pra l ufize Südtirol Pass.

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.