Por jites combinades cun la ferata, le bus y la roda sön la linia dla Venosta él dai 28 de jügn ai 25 d'otober dl 2025 le BikeLiner por che che se tol para la roda. Ajache le trasport dla roda sön la linia dla Venosta é al momënt limité, pîta le BikeLiner n'alternativa comota y sön chëra che dötes les porsones che vá ion cun la roda pó se lascé.
Trasport de rodes cun le BikeLiner
Le sorvisc vëgn pité vigni de sön la linia Maran–Damal/Mals pian ia dala staziun de Maran, plataforma B dales:
- dales 09:10 y dales 10:10 (danmisdé)
- dales 15:10 y dales 16:10 (domisdé)
Le bus s'archita ma por gní fora tles staziuns de Naturns, Latsch, Schlanders, Spondinig y Mals. An ne pó nia senté sö.
Ci rodes pón pa tó para?
Sön le shuttle BikeLiner pón tó para rodes normal y e-bikes.
Les rodes speziales sciöche i tandems, les cargobikes y les rodes cun n ciar da taché lapró, ne pón nia tó para, ajache ares ne vá nia a öna cun les indicaziuns sön la lerch y la segurëza porvia de süa grandëza y strotöra.
Tignisse prëibel a chëstes indicaziuns canche i organisëis osc iade, a na moda che le iade sides sigü por dötes les porsones.
Le BikeLiner y l'apostaziun dl post funzionëia insciö
I posć vëgn dá ca insciö:
- che che vá cun la roda cun apostaziun cina 12 posć al iade
- che che vá cun la roda zënza apostaziun ma sce al é lerch
- che che vëgn para zënza roda, ince ma sce al é lerch, prisc regolar
Orëise ester sigüsc da ciafé lerch? Spo él damí da aposté bele damperfora osc post da senté cun la lerch por osta roda. An pó aposté cina alplü tert les 18:00 dl de denant tres chësc link:
Ara nen vá ma de n'apostaziun. An pó cumpré les chertes por trasporté la roda pro i posć de venüda südtirolmubiltà, i automac dles chertes o tres l'app südtirolmobil.
Bun da savëi
Ciarede da ester altamo 15 menüc denanco pié ia tla staziun da Maran, plataforma B, a na moda che an pordüjes da ciarié sö les rodes. Sce an é tardis toma l'apostaziun.
Chertes y tarifes
Por le BikeLiner adoron döes chertes:
- Na cherta südtirolmobil varënta: na cherta singula, le südtirolmobil Pass o süa varianta o ince le Südtirol Guest Pass
- Na cherta por tó para la roda
- 7 euro: chertes dl de por tó para la roda
la cherta dl de ciafon pro i automac de chertes de südtirolmubiltà o online tres l'app denanco pié ia - 3,50 euro: tarifa arbassada por che che á le südtirolmobil Pass, che pó cumpré y convalidé les cherta online tres l'app.
- 7 euro: chertes dl de por tó para la roda
Contac
Por deplü informaziuns sön le shuttle BikeLiner scriede a info@silbernagl.it o cherdede sö le numer +39 0471 706633.
Por domandes eventuales sön la validité dles chertes y süa convalidaziun pón damané do pro contact@suedtirolmobil.info.
Porchël: Ca cun la roda y sö sön le BikeLiner!
STA/IDM Südtirol_Cherubino