Chësc ann é l'eletrificaziun dla ferata dla Venosta te na fasa dezisiva. A chësta moda vëgnel tut y jü vare por vare le sistem de segnalaziun vedl y tl medemo tëmp vëgnel istalé, colaudé sciöche al toca y aprové sön les ferates che é bele y sön les ferates nöies la condüta nöia y le sistem de gestiun dla ferata europeich ETCS – European Train Control System. Chësta é la rajun ciodí che al á messü naota gní stlüt en pert la trassa danter Laas y Mals y d'altonn inant spo döta la trassa danter Maran y Mals.
Chiló ciafëise dötes les domandes sön la stlüta dla linia y le sorvisc sostitutif.
FAQ - Domandes che vëgn dant sovënz
Stlüta Maran- Mals
Da en domënia, ai 26 d'otober dl 2025 cina bonamënter ai 28 de merz dl 2026 vëgnel stlüt döta la trassa dla linia dla Venosta (Maran-Mals). Tratan chësta stlüta vál i bus sotitutifs.
Orar dl sorvisc sostitutif (Maran-Mals)
Al vëgn perié da mëte averda ales informaziuns sön les destinaziuns di bus da odëi sön i bus sostitutifs deache al vëgn ince fat iadi surapró y nia düc i iadi dl sorvisc sostitutif ne vá sön döta la trassa danter Maran y Mals.
De regola s'archita i bus tl zënter di paisc y nia dagnora dales staziuns dla ferata. Tl paisc de Marling y gnanca te süa staziun dla ferata ne jarál le bus sostitutif.
Informaziuns plü avisa é da ciafé sön nosta plata web sot a Projekte y te nosta app südtirolmobil.
Mudaziuns tl trasport local publich
Dai 26 de otober dl 2025 incá vál en forza zacotan de mudaziuns tl trasport local publich dla Val Venosta. Cun chëstes mudaziuns dessel gní adaté le sorvisc publich ai bojëgns di passajiers y dles passajieres, y garantí n funzionamënt zënza problems.
Na panoramica:
- Linia 262 (Val Martell – Goldrain – Schlanders): l'orar vëgn sburlé zoruch de 15 menüc.
- Linia 263 (Citybus Schlanders): linia nöia cun n ater percurs.
- Linia 264 (Citybus Naturns): l'orar vëgn sburlé zoruch de 13 menüc.
- Linia 267 (Latsch – Kastelbell – Staben): chësta linia vëgn integrada tla linia 269.
- Linia 269 (Latsch – Tarsch): picia mudaziuns di orars de partënza.
- Linies 271 y 272: trames les linies ne jará nia plü cina Laas mo ma cina Spondinig cun na picia mudaziun di orars. Dailó vëgnel preodü da mudé y tó le bus sostitutif B250.
- Linia 278: de pices mudaziuns di orars.
Prëibel programede Üsc iadi aladô y informesse adora assá sön i orars nüs por schivé intardiades.
De plü informaziuns
Düc i orars y les informaziuns atuales é da ciafé sön nosta plata web.
Tó para la roda: Ti bus sostitutifs ne vára nia da se tó para la roda.
Por l'adoranza esclusiva dl sorvisc de trasport sostitutif pól gní contaté diretamënter l'aziënda de trasport menan na e-mail a prm@sad.it o telefonan al numer +39 0471 450111. Les porsones che röia adalerch cun la ferata y che adora aiüt da jí te bus, da mudé o da gní fora tla staziun de Maran pó damané i sorvisc d'assistënza Sala Blu tla staziun de Maran. Sale Blu (www.rfi.it).