Isté cun les furnadoies 2024

Chësc isté podëise jí sö alalt cun le Südtirol Pass.

En colaboraziun cun la Lia di impresars dles furnadoies dl Südtirol pó dötes les porsones che á le Südtirol Pass, l'Euregio Family Pass, le Südtirol Pass abo+, le Südtirol Pass 65+ o le Südtirol Pass free jí cun les furnadoies a n prisc smendrí (sconto de altamo le 30 porcënt).

• Scomenciamënt dl'aziun: Al 1. de jügn dl 2024
• Fin dl'aziun: Fin dla sajun da d'isté dles impreses de furnadoies

Ne ëise ciamó degun Südtirol Pass?

Che che á n Südtirol Pass ai 17 de ma dl 2024 o l'apostëia cina en chël de chiló pó se gode l'isté cun les furnadoies.

Ci él pa da fá?

Dötes les porsones che á n Südtirol Pass che ne ê ai 17 de ma dl 2024 ciamó nia tomé y nia dejativé, y che á convalidé do i 17 de ma dl 2022 almanco un n iade süa cherta (condiziuns por la validité aladô dla deliberaziun dla Junta provinziala n. 365 di 04.05.2023, art. 7, punt 6) á ciafé n adesif. Chësc é gnü mené fora por posta dala fin de ma inant.

• Incolede l'adesif sön Osta cherta;
• mostrede la cherta (cun lassura l'adesif) y Osta cherta d'identité pro cassa canche i jëis sö por munt cun n implant portamunt dles impreses de furnadoies che fej para.

Ci desson pa fá sce an n'á nia ciafé l'adesif por posta?

Dai 10 de jügn inant pó che che á n Südtirol Pass y n'á nia ciamó ciafé n adesif por posta s'adressé ai lueges de venduda südtirolmubiltà Bulsan, Burnech, Maran, Porsenon, Sand in Taufers, Assoziazion turistica Mals y Eppan. Dailó ciafon n adesif sce an mostra sö le Südtirol Pass y la cherta d'identité.

L'aziun vel ma por che che á le Südtirol Pass, l'Euregio Family Pass, le Südtirol Pass abo+, le Südtirol Pass 65+ o le Südtirol Pass free. Al é stlüt fora les Mobilcards y le Südtirol Guest Pass y le Südtirol Pass Business.

*  Dai 09/06/2024 ai 03/10/2024

** Implant a cabines Rosskopf 1860 m: la reduziun sön le prisc vel ma por l’implant a cabines a 1.860 m. Al n’é degöna reduziun por l’implant panoramich y por la pista dles liöses sön scines.

*** Implant a cabines Ladurns: la reduziun sön le prisc vel ma por l’implant a cabines. Al n’é degöna reduziun por la pista di mountain carts.

Les furnadoies che alda bele pro le Südtirol Pass (Renun, Mendola, Kohlern, Mühlbach-Meransen, Vöran y Mölten) é stlütes fora da chësta aziun.