Ticketing nü
Le passaje a n sistem de ticketing-sudtirolmubiltà nü vá dër bun inant.
Te chësta fasa de transiziun velel por chertes desvalies condiziuns d’adoranza desfarëntes. Por dötes les porsones che á le Südtirol-Pass resta döt anfat – ater co che ara ne vá nia da ciarié le Südtirol-Pass tl bus por n tëmp de transiziun cört.
En general velel: le mobile ticketing vá dagnora! Che che cumpra y convalidëia süa cherta online tres l'app südtirolmobil ne depënn daldöt nia da automac de chertes y da aparac de convalidaziun y á tres na cherta varënta da tó ca.
An pó adoré dötes les chertes contactless:
- Südtirol Pass, Euregio Family Pass, Südtirol Pass abo+, Südtirol Pass 65+: al resta (prësc) döt anfat. La sora ezeziun: cina da d'altonn dl 2023 ne jarára nia da ciarié le Südtirol Pass o l' Euregio Family Pass ti bus. An pó ciarié chëstes chertes online y te düc i posć de venüda-südtirolmubiltà.
Mo ciamó plü scëmpl él da paié i iadi che an fej tres n contrat "post paid", chël ó dí che al vëgn trat jö l'import de debit diretamënter da osc cunt bancar. - Mobilcard: les Mobilcards contactless pó gní convalidades sciöche zënza.
Dötes les atres chertes:
- Cherta valur: da en mertesc, al 1. de agost dl 2023, ne ciafon nia plü da cumpré chertes valur. Les chertes valur cun n credit romagnënt lassura pó gní dades jö tl tëmp de n ann da süa tomanza te n valgügn posć de venüda-südtirolmubiltà. I scioldi che é ciamó sön la cherta vëgn paiá fora (news).
- Cherta singola:
- bus regionai: an pó cumpré la cherta sön i bus;
- bus de cité: la cherta ciafon ti posć de venüda-südtirolmubiltà.
- Cherta por grups: por le momënt ne éra nia a desposiziun.
- Guest Pass: la cherta vel sciöche cherta da mostré.
- Cherta singola y Mobilcard cun la strisciora magnetica: la cherta vel sciöche cherta da mostré.
- Cherta de n de por corieres de cité a Balsan y a Maran: chësta cherta pón ma fá online tres la app südtirolmobil. An ne ciafa nia da cumpré la cherta ti bus y gnanca ti posć de venüda.
- Euregio 2 Plus: chësta cherta pón ma fá online tres la app südtirolmobil y gnanca ti posć de venüda. An ne ciafa nia da cumpré la cherta ti bus.
Ara vá da convalidé dötes les chertes che á stampé lassura n simbol contactless sce an les tëgn dan le sensur dl aparat de convalidaziun (al é le medemo simbol).
Metëde verda: iel mesun cunvalidé l trasport de rodes o tieres sun i cunvalidadëures nueves cun la chertes Südtirol Pass defrëntes. Ve cunsion de ve nuzé dla app südtirolmubiltà per fé la cunvalidazion online o, sce no, de cumpré la cherta de viac per l trasport dla roda o la mobilcard Junior per l cian y damandé l rembursamënt dla defrënzia de priesc scrijan a contact@altoadigemobilita.info.
Sce al vëgn dant iregolarités scriede prëibel na e-mail a chësta misciun contact@suedtirolmobil.info o cherdede sö le numer de telefon 0471 220 880. Sce al é gnü trat jö scioldi adinfal, i ciafëis sambëgn zoruch.
Tles 55 staziuns dla ferata tl Südtirol él gnü metü en funziun 55 automac dles chertes. Por le pröm iade él ince a Balsan dui automac dles chertes.
I aparac vënn chertes por la ferata y le Südtirol Pass pó ince gní ciarié sö iló. De plü funziuns sará tosc danman. I automac dles chertes tles staziuns di bus n’é indere nia ciamó en funziun.
Tles staziuns olache al n’é nia automac che vá pón cumpré les chertes sön la ferata pornanche an pëia ia.